5 ປີຜ່ານ ສະມາຄົມການຄ້າໄອຊີທີລາວ


ມີບົດບາດສົ່ງເສີມຜູ້ປະກອບການທຸລະກິດລິເລີ່ມຂປລ. 5 ປີຜ່ານມາ, ສະມາຄົມການຄ້າໄອຊີທີລາວ ຫລື LICA ໄດ້ມີບົດບາດໃນການສົ່ງເສີມຜູ້ປະກອບການທຸລະກິດລິເລີ່ມ (Startup) ຢ່າງຫລວງຫລາຍ ແລະ ໄດ້ຮ່ວມມືກັບພາກລັດໃນການຈັດງານ ເພື່ອສົ່ງເສີມຂະແໜງການເຊັ່ນ: ງານວາງສະແດງໄອຊີທີ ລາວ, ການແຂ່ງຂັນຂອງນັກສຶກສາ, ໄວໜຸ່ມ, ກອງປະຊຸມຝຶກອົບຮົມຕ່າງໆ ເພື່ອສ້າງຂະ ບວນການວຽກງານໄອຊີທີໃຫ້ມີຄວາມຟົດຟື້ນ. ຂໍ້ມູນດັ່ງກ່າວ, ໄດ້ຮັບການລາຍງານໃນກອງປະຊຸມໃຫຍ່ ປະຈຳປີ 2020 ຂອງສະ ມາຄົມໄອຊີທີລາວ ໃນວັນທີ 16 ກັນຍາ 2020, ພາຍໃຕ້ການເປັນປະທານຂອງ ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ມີທ່ານ ອຸເດດ ສຸວັນນະວົງ ປະທານສະມາຄົມສະພາອຸດສາຫະກຳ ແລະ ການຄ້າແຫ່ງຊາດລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ ແລະ ໃນໂອການີ້, ທ່ານ ທັນສະໄໝ ກົມມະສິດ ໄດ້ເນັ້ນໃຫ້ສະມາຄົມໄອຊີທີລາວ ເລັ່ງສ້າງບົດບາດ, ສ້າງຄວາມ ເຂັ້ມ ແຂງຂອງສະມາຄົມ, ເພີ່ມບັນດາສະມາຊິກ ແລະ ເປັນບ່ອນເຕົ້າໂຮມ ຂອງບັນດາບໍລິສັດ ຜູ້ປະກອບການດ້ານ ໄອຊີທີ ຂອງລາວ; ຮ່ວມມືກັບພາກລັດ-ພາກເອກະຊົນເພື່ອເຮັດໃຫ້ ບັນດາບໍລິສັດສະມາຊິກ ສາມາດຍາດແຍ່ງວຽກຂອງພາກລັດໄດ້; ເປັນຄູ່ຮ່ວມມືກັບລັດຖະ ບານໃນການຫັນເປັນດິຈິຕອນ ແລະ ການສ້າງເສດຖະກິດດິຈິຕອນ ຂອງລາວ; ເລັ່ງສ້າງຄວາມເຂັ້ມແຂງ, ສ້າງບຸກຄະລາກອນ ທີ່ມີຄວາມຮູ້ຄວາມສາມາດ, ທັກສະ ທີ່ສາມາດສ້າງບັນດາ ຮາດແວ, ຊອບແວ, ລະບົບ ແລະ ເຕັກໂນໂລຊີດິຈິຕອນ ຂອງລາວເຮົາໄດ້, ຫລຸດ ຜ່ອນການນໍາ ເຂົ້າຈາກຕ່າງປະທດ; ສົ່ງເສີມ ແລະ ສ້າງເງື່ອນໄຂ ໃຫ້ໄວໝຸ່ມ ແລະ ນັກສຶກສາຈົບໃໝ່ ໃນການສ້າງທຸລະກິດແບບ Startup, ເຮັດໃຫ້ມີນະວັດຕະກໍາໃໝ່, ສິນ ຄ້າ ແລະ ການບໍລິການໃໝ່; ປັບປຸງກົນໄກ ເພື່ອດຶງດູດການລົງທຶນຈາກຕ່າງປະເທດ ເພື່ອດຶງດູດບັນດາຊ່ຽວຊານ ດ້ານໄອຊີທີ ເຂົ້າາມາເຮັດວຽກ ຢູ່ລາວ ແລະ ບໍລິສັດຂອງລາວ ສາມາດອອກແຂ່ງຂັນ ຢູ່ພາກພື້ນ ແລະ ສາກົນໄດ້. ທ່ານ ທະນົງສິນ ກັນລະຍາ ປະທານກິຕິມະສັກ, ອະດີດປະທານສະມາຄົມໄອຊີທີລາວ ໄດ້ໃຫ້ຮູ້ວ່າ: ໄລຍະ 5 ປີ ທີ່ຜ່ານມາ LICA ໄດ້ປະກອບສ່ວນຢ່າງຕັ້ງໜ້າໃນການເຂົ້າເປັນສະມາຊິກ ອົງການດ້ານຂໍ້ມູນເຕັກໂນໂລຊີ ທີ່ສໍາຄັນທີ່ສຸດຂອງໂລກ, ການເຂົ້າເປັນສະມາຊິກຂອງອົງກອນລະດັບສາກົນ LICA ໄດ້ເຂົ້າຮ່ວມກອງປະຊຸມ ລະດັບໂລກໃນທຸກໆປີ ໂດຍສະເພາະ ກອງປະຊຸມ ໄອທີໂລກ, ກອງປະຊຸມລະດັບ ອາຊຽນ ແລະ ອື່ນໆ, ເຊິ່ງເວທີ່ເຫລົ່ານີ້ໄດ້ເຮັດໃຫ້ LICA ສາມາດນໍາສະເໜີໂອກາດ ດ້ານການລົງທຶນ, ການດໍາເນີນທຸລະກິດ ແລະ ແນະນໍາຕະຫລາດໃໝ່ໆ ຂອງ ສປປ ລາວ ໃຫ້ແກ່ບັນດາປະເທດໃນໂລກ ແລະ ອື່ນໆ.ຂ່າວ: ສົມຫວັງພາບ: ເກດສະໜາ

News

Comments are disabled.

loLA
en_USEN loLA